image1 image1 image1

fietsweekendje 2018

Oos fietsweekendje zitj er alweer op,
het waas zoeals altied fijn, gezellig, gewoeaanweg top.
Een ploem veur Ruud, veur de lokatie,
die veel bie ederein in de gratie.
Het begos op vriedig noa de vlaai,
toen ich zaag det ich geine helm bie haai.
Volgens de regels mocht ich eigenlijk neet met,
mer wie ze zegge, noeaad briktj wet.
We vertrokke s mörges vol gooie mood,
de bein roderen, ze veuldje good.
Mer bie de ieëste kleine col,
lepe de bein toch hieël snel vol.
Terwiel Wendy van kortbie kinnes maaktje met het Waalse landj,
verving Frank VDB ziene binneband.
 
Soaves haai Bart zoeals altied in de keuke alles onger control,
en maaktje pizza,mochito en aperol.
Noaderhandj gezellig bie het veur,
de kopkes woorte roeijer, ze krege kleur.
Bér dé reuptj, hey wacht ins effe,
dinktj auch emes aan miene leffe.
Want ich bin hieëlemoal leeg,
haai geine tied om te drinke ongerweeg.
 
Zoaterdig waas het weer van det,
130 km dolle pret.
Jack hieël fier met ziene navigatie,
det dink aan en oet zette is al ein hieël prestatie.  Mer hé heet er nog eine.!!!!!
Gelukkig heet Wouter auch eine Garmin,
en steurt oos zoeë Duitslandj in.
Tot twieë kieër toe motte we aan de kantj,
veur eine gesprönge binnebandj.
Wilfried zien tesse zitte euvervol,
met repe ,drank en aperol.
Want ich mot auch hieël veul drinke,
zoedet de mood mich neet inne sjoon kan zinke.  
 
Noa 80 km beginne Wim zien bein leeg te loupe,
veer wéke neet fietse mot hé hie bekoupe.
We doewe hum vroet, géve hum gooie mood,
want 50 km is nog wiet te voot.
Ich géf noch ins gaas heet Frank gedacht,
en vertrektj met volle kracht.
Auch Jo sluit opins op hol,
met Steef erbie is het trio vol.
Wé rieje rustig bienoa handj in handj,
terug noa het vaderlandj.
 
Get later is het barbekjoew,
het beer vloeit riekelik, steeds opnoew.
Straffe oetsprake en verhale,
Frank Broens heet ein noew woord veur in de Van Dale.
Zeker neet vergete is Rutte Pe,
heet gér bbq, spek en kipsaté.
Heet er get te veul van gepakt,
en is door ziene stool gezaktj.
 
sZondigs is het ein korte rit,
gezapig fietse met weinig pit.
Doon Pe Kuup en Ruud ein raar maneuver,
4 spake knakke gewoeaanweg euver.
doa stoan we den met de fiets in pan,
Bart opbelle is het plan.
We dale aaf tot in het dal,
mer opins stoptj de kal.
Links stijl omhoeaag noa cote  de Wanne,
Joa Pino wetj er alles van.
Oet het zadel recht op de pedale,
het allerkleinste verzetje male.
Koen zetj met Jo nog zien béste  beinke veur,
met de henj los op het steur.
Doewe ze Wendy nog eine léste kieër,
det waas het den, doa kumtj niks mieër.
Kurt dich zeen we neet vergéte,
we wete det ze dich toes zoots op te vréte.
Soigneer dich op en top,
den rietse binne de korste kieëre weer aan de kop.
 
Ich stop er met, ich bin kloar,
kiek al oet noa volgend joar.
 
Marc.
 
 
 
free joomla templatesjoomla templates

Strava

2018  wtc-molenbeersel.be   globbers joomla template